Հայաստանում ջրի միասնական սակագինը առաջիկա 15 տարում եթե անգամ բարձրանա, ապա աննշան։ Այս մասին նոյեմբերի 21-ին՝ Հայաստանում ջրամատակարարման միասնական օպերատոր ընտրելու մրցույթի ավարտին նվիրված մամուլի ասուլիսին, լրագրողներին ասել է ֆրանսիական «Veolia Generale des Eaux» ընկերության նախագահ Մալիքա Գենդուրին։
Նա չի հայտնել ապագա սակագնի չափը, սակայն նշել է, որ դա կսահմանի կարգավորող մարմինը՝ ՀԾԿՀ–ն։ «Ինչպես դուք գիտեք, մենք 10 տարի Երեւանին ջուր ենք մատակարարում։ Կարող եմ ասել, որ բոլոր ավելի քան 40 երկրների համեմատ, որտեղ աշխատում է «Veolia»–ն, Երեւանում գործող սակագինն ամենացածրն է։ Այն կարող է բարձրանալ, սակայն աննշան՝ հաշվի առնելով պարտավորությունները, որոնք մենք կստանձնենք նաեւ Երեւանի սահմաններից դուրս»,– ասել է Գենդուրին։
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
Հիշեցնենք, որ «Veolia Generale des Eaux»–ը, որը հաղթել է միասնական օպերատորի համար սահմանված մրցույթում, աշխատանքի կանցնի 2017–ի հունվարի 1-ից 15 տարի ժամկետով։ 2030–ին ընկերությունը պլանավորում է 24-ժամյա ջրամատակարարում ապահովել Հայաստանի ամբողջ տարածքում։