Lotus Cars ընկերությունը ներկայացրել է Exige մարզական մեքենայի նոր տարբերակը։ Exige Sport 380-ի կուպեն դարձել է մոդելի «ամենաագրեսիվ, թեթեւը, հզորն ու արագ» մոդիֆիկացիան, հայտնում է Motor–ը։
Նորույթի քաշը 1066 կգ է, ինչը 25 կգ-ով թեթեւ է Exige Sport 350–ից։ Քաշը հաջողվել է նվազեցնել գործածված նյութերի արդիականացման հաշվին՝ նաեւ ստանդարտ մարտկոցը լիտիում իոնային մարտկոցով փոխարինելու հաշվին։
Մարզական մեքենան ունի 3․5 լիտրանոց V6 շարժիչ, որը զարգացնում է 380 ձիաուժ, ինչը 30 ձիաուժով շատ է, քան Exige Sport 350–ինը։ Շարժիչը համադրվում է վեցաստիճանանի փոխանցման մեխանիկ տուփի կամ նույն միջակայքի ավտոմատի հետ։
Lotus Exige Sport 380 -ն կարող է տեղից մինչեւ 96 կմ /ժ արագություն բացել 3․5 վայրկյանում։ Առավելագույն արագությունը 280կմ/ժ է։ Մեծ Բրիտանիայում գները սկսվում են 67․9 հազար ֆունտ սթերլինգից։ Նորույթի մշակողները հայտնել են, որ նոր մեքենան մրցունակ կլինի թանկարժեք մարզական մեքենաների շուկայում։