Իսրայելում Թուրքիայի դեսպան Քեմալ Օքեմը դեկտեմբերի 12-ին երկրի նախագահ Ռեուվեն Ռիվլինին է հանձնել իր հավատարմագրերը եւ պաշտոնապես անցել իր պարտականությունների կատարմանը երկու երկրների միջեւ հարաբերությունների 6-ամյա սառեցումից հետո։ Այս մասին հայտնում է Anadolu–ն։
Թուրքիայում Իսրայելի դեսպան Էյթան Նաեն Անկարա էր ժամանել նախօրեին։
Իսրայելն ու Թուրքիան իրենց դեսպաններին հետ էին կանչել «Ազատության նավատորմիղ»–ի միջադեպից հետո, երբ 2010 թվականին Իսրայելի ՌԾՈւ–ն գրավել էր Գազայի հատված ուղեւորվող թուրքական նավի ուղղությամբ, ինչի հետեւանքով զոհվել էր 9 թուրք։ Դեսպանների վերադարձը թուրք–իսրայելական հարաբերությունների կարգավորման մասին համաձայնագրի կետերից մեկն է։