ՎիվաՍել-ՄՏՍ-ն աջակցում է Սիրիայի քաղաքացիական պատերազմի հետեւանքով ծանր կացության եւ անապահովության մեջ հայտնված ու հայրենադարձված հաշմանդամ հայ երեխաներին: Վերջիններս մինչեւ հայրենիք ժամանելը գտնվել են Հալեպում գործող «Արեւիկ» կենտրոնի հոգածության ներքո։ Հայաստանում նրանց համախմբել է «ՀԱԼԷՊ» հայրենակցական բարեսիրական հասարակական կազմակերպությունը, որի նախաձեռնությամբ, «Արեւիկ»-ի 13-ամյա հաջողված փորձից ելնելով՝ երկու տարի առաջ բացվել է «Արեւիկ-Հայաստան»-ը:
Նվիրված թիմի եւ արդյունավետ համագործակցության շնորհիվ՝ «ՀԱԼԷՊ» ՀԲՀԿ-ն կարճ ժամանակահատվածում կարողացել է հասնել հաջողության. «Արեւիկ-Հայաստան»-ն անվճար հիմունքներով հոգեբանական աջակցություն է տրամադրում մտավոր եւ ֆիզիկական խնդիրներ ունեցող սիրիահայերին: Կենտրոնում կազմակերպվում են ուսուցողական դասընթացներ մաթեմատիկա, նկարչություն, երաժշտություն, ֆիզիկական պատրաստվածություն առարկաներից: Հատուկ ուշադրության կենտրուոմ են նաեւ արտ-թերապիան, խոսքի զարգացումը, ձեռագործ աշխատանքների ուսուցումը:
«Արեւիկ-Հայաստան» կենտրոնի մասնագիտական թիմին հաջողվում է թեթեւացնել խնդիրներ ունեցող սիրիահայ մեր հայրենակիցների առօրյան եւ նրանց առավելագույնս ներգրավվել հասարակական կյանքում:
