Մեծ Բրիտանիայում երբեւէ բանտում հայտնված ամենատարեց քաղաքացի է ճանաչվել Բիրմինգեմի 101–ամյա բնակիչը, հայտնում է Daily Mail–ը։
Բեռնատարի նախկին վարորդին կասկածում են անչափահասների նկատմամբ սեռական բնույթի ոտնձգությունների մեջ։ Ըստ մեղադրական կողմի՝ 1974-1983 թվականներին նա մի շարք հանցագործություններ է կատարել իր տան կողքի ավտոտնակում։ Նրա զոհերն են եղել 2 աղջիկ եւ մի տղա։
Տուժածները ոստիկանություն էին դիմել մոտ 1 տարի առաջ։ Հետաքննությունից հետո տարեց տղամարդուն մեղադրել էին 17 սեռական հարձակման, 12 աբարո արարքի եւ ավելի ծանր սեռական հանցագործության 2 դեպքի մեջ։
Հարցաքննության ժամանակ մեղադրյալը հաստատել էր, որ հիշատայված միջադեպերից մի քանիսն իրոք եղել են, սակայն նա հերքում է ծանր սեռական հանցագործությունների փաստը։
