ԵԱՀԿ անդամ պետությունների արտգործնախարարների 23-րդ խորհրդի շրջանակներում արտգործնախարար Էդվարդ Նալբանդյանն, այսօր՝ դեկտեմբերի 8-ին, հանդիպել է Ղրղզստանի արտգործնախարար Էրլան Աբդիլդաեւի հետ:
ԱԳՆ-ից NEWS.am-ին հայտնում են, որ զրուցակիցները մտքեր փոխանակեցին երկկողմ համագործակցության ընդլայնման նպատակով ձեռնարկվելիք քայլերի շուրջ։ Այս համատեքստում կարեւորվեց բարձրաստիճան այցլեությունների կազմակերպումը, տարբեր գերտեսչությունների, գործարար շրջանակների միջեւ կապերի հաստատումը։
Նախարարներն անդրադարձան ԵԱՀԿ գործունեության տարբեր ոլորտներին առնչվող հարցերին, նախարարական խորհրդին քննարկվելիք խնդիրներին։
Հանդիպման օրակարգում էր միջազգային կառույցների շրջանակներում փոխգործակցության սերտացումը։
Էդվարդ Նալբանդյանը եւ Էրլան Աբդիլդաեւը անդրադարձան ԵԱՀԿ օրակարգային հարցերին։