Ամանորյա տոների նախաշեմին գների նվազեցման պատրվակով խանութներում ժամկետանց եւ վերամշակված սննդամթերք է հայտնվել: Այս մասին այսօր՝ դեկտեմբերի 10-ին, լրագրողների հետ հանդիպմանը հայտարարեց Հայաստանի սպառողների միության նախագահ Արմեն Պողոսյանը:

Նրա խոսքով՝ դա, մասնավորապես, վերաբերում է պանրի որոշ տեսակնեևրին, ձկնկիթին եւ այլ մթերքների:

Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով:

«Մենք սպառողներից բողոքներ ենք ստացել, եւ մթերքների որոշ տեսակներ առաջացրել են մեր լուրջ կասկածները»,- նշեց Պողոսյանը՝ չցանկանալով մինչեւ փորձաքննության ապացույցներ ստանալը արտադրողների անուններ տալ:

Պողոսյանի հավաստիացմամբ՝ նման դեպքերը բնութագրական նախատոնական ժամանակահատվածին: «Վիճակագրական տվյալները վկայում են, որ դեկտեմբերին սննդամթերքի վաճառքի ծավալները սովորական ցուցանիշից երեք անգամ գերազանցում են»,- նշեց նա՝ միաժամանակ հայտնելով, որ իր կազմակերպության անցկացրած մոնիթորիգի համաձայն՝ շուկայում մթերքների գների բարձրացումների դեպքեր դեռեւս չեն գրանցվել:

Արմեն Պողոսյանը սպառողներին խորհուրդ տվեց որակի եւ գների չհիմնավորված բարձրացման վերաբերյալ չնչին կասկած առաջանալու դեպքում չծուլանալ եւ չամաչել դիմել սննդամթերքի վերահսկման համապատասխան մարմիններ: Քաղաքացիները կարող են իրենց բողոքները ներկայացնել՝ զանգահարելով 010 -20-40-60 հեռախոսահամարով: