Ադրբեջանում կարող է աղքատների համար հատուկ պարենամթերային շուկա ստեղծվել։ Այս մասին ասվում է գյուղմթերքի վերամշակման ու արտադրման ռազմավարական ճանապարհային քարտեզում, հայտնում է ԱզերՏաջը։

Բնակչության տարբեր խավերին պարենամթերքով ապահովելու համար ուսումնասիրվելու են նպատակային պետծրագրերի մշակման հնարավորությունները, դիտարկվելու է հատուկ պարենամթերային շուկաների ու բանկի ստեղծման հնարավորությունը։

Ճանապարհային քարտեզը նաեւ նախատեսում է ստեղծել պարենային անվտանգության հանձնաժողով, որի մեջ կընդգրկվեն Գյուղնախի, ԱԻՆ-ի ու Էկոնոմիկայի նախարարությունների ներկայացուցիչները։