ՀՀ գյուղատնտեսության նախարար Իգնատի Առաքելյանն այսօր՝ հունվարի 18-ին, եռօրյա այցով մեկնել է Բեռլին՝ մասնակցելու «Գյուղատնտեսությունը եւ ջուրը՝ բանալի աշխարհը սնուցելու համար» խորագրով պարենի եւ գյուղատնտեսության գլոբալ ֆորումին, գյուղատնտեսության նախարարների բեռլինյան 9-րդ համաժողովին:
Գյուղնախարարությունից NEWS.am-ին հայտնում են, որ Իգնատի Առաքելյանը կմասնակցի նաեւ «Բեռլինյան կանաչ շաբաթ» ամենամյա միջազգային գյուղատնտեսական եւ սննդի արդյունաբերության հեղինակավոր ցուցահանդեսին, որում առանձին տաղավարով մասնակցում են նաեւ հայկական մի քանի ընկերություններ:
Իգնատի Առաքելյանը կմասնակցի ԳԴՀ պարենի եւ գյուղատնտեսության նախարարության կողմից կազմակերպվող բարձրաստիճան պաշտոնյաների հանդիպմանը: Նախատեսվում են նաեւ հանդիպումներ Գերմանիայի Դաշնային Հանրապետության, Լիտվայի Հանրապետության, Կանադայի եւ Սլովենիայի գյուղատնտեսության նախարարների, ինչպես նաեւ ԳԴՀ տնտեսական համագործակցության եւ զարգացման նախարարության պետքարտուղար Ֆրիդրիխ Կիցշելտի, գերմանական KfW բանկի եւ HERMES ընկերության ներկայացուցիչների հետ:
