«Ազատ դեմոկրատներ» կուսակցության համամասնական ցուցակում ընդգրկվելու առաջարկը դեռ դիտարկում ենք։ Այս մասին այսօր՝ հունվարի 19-ին, լրագրողների հետ հանդիպման ժամանակ ասել է քաղաքագետ Ստեփան Սաֆարյանը։
«Խաչատուր Քոքոբելյանը որոշել է իր կուսակցության հենքի վրա, անգամ ոչ կուսակցական հանրային դեմքերի դաշինքով մասնակցել ընտրություններին։ Ես եւ Անահիտ Բախշյանը դեռ քննարկում ենք առաջարկը։ Մենք ընտրական գործընթացներին մասնակցել ենք, մի փոքր լավ գիտենք, ներսից գիտենք՝ ինչ է ընտրությունը։ Եւ ինչ է արժենում մարդկայնորեն քո վրա, եթե ամբողջ մարդկային, նյութական ու ժամանակային ռեսուրսերով մտնում ես դրա մեջ։ Այս պարագայում հարց է ծագում՝ այն ինչ ստանում ես, արդյոք համաչափ է նրան, ինչը ներդնում ես այդ գործընթացի մեջ»,-ասել է Ստեփան Սաֆարյանը։
Քաղաքագետը շեշտել է, որ շատ գործոններ կան, որ պետք է քննարկենք եւ դեռեւս վերջնական որոշում չունեն։
