Վրաստանի Սալխինո գյուղում կանանց մենաստանի սարկավագ Գեորգի Ջահուայի տան խուզարկության արդյունքում իրավապահները կանեփ եւ զենք են առգրավել։ Այս մասին սարկավագը հայտնել է Քութաիսիում մամուլի ասուլիսի ժամանակ, փոխանցում է «Գրուզիա Օնլայն»–ը։
Նրա խոսքով՝ կանեփն ինքն օգտագործել է հիվանդության բուժման նպատակով։ «Ես հեպատիտ С, 2-րդ տիպի շաքարախտ, լյարդի չարորակ ուռուցք եւ խոլեցիստիտ ունեմ, հենց այդ պատճառով ես կանեփ եմ օգտագործում, սակայն դեղեր չեմ խմում»,– ասել է նա։
Նա ոստիկաններին մեղադրում է իրավունքների չարաշահման մեջ, քանի որ վերջիններս հոգեւորականին ստիպել են սելֆի անել կանեփի հետ։
Ինչ վերաբերում է զենքին, ապա նրա խոսքով՝ դա անտիկվար զենք է, որը երեխաների համար խաղալիք էր ծառայում։