Ռուսաստանից Հայաստան կարելի կլինի մեկնել առանց արտասահմանյան անձնագրի։ Համապատասխան միջպետական համաձայնության նախագիծը հավանություն է ստացել հունվարի 19-ին Կառավարության նիստում։ Օրենքի ուժ ստանալու համար ՀՀ եւ ՌԴ ԱԳՆ–ները պետք է նախագծի հավանության մասին ծանուցագրեր փոխանակեն։ Կառավարության նիստից հետո ՀՀ փոխարտգործնախարար Շավարշ Քոչարյանն ասաց, որ բացառված չէ, որ այդ ընթացակարգն ավարտվի արդեն ամռանը։