Թեհրանում հրդեհի պատճառով բազմահարկ տան փլուզման հետեւանքով տուժածների թիվը հասել է 70-ի, հայտնում է Fars News Agency–ն՝ վկայակոչելով փրկարարներին։
Փրկարար ծառայության աշխատակիցների տվյալներով՝ զոհվել է առնվազն 30 մարդ։ Ընդ որում, հաղորդվում է, որ զոհերի մասին տվյալները հստակ չեն։
Փրկարարները նաեւ դժվարանում են հստակ տեղեկություններ տրամադրել փլատակների տակ մնացած մարդկանց թվի մասին։
Թեհրանի ամենահին բարձրահարկը համարվող 17-հարկանի Plasco շենքում հրդեհը բռնկվել էր տեղական ժամանակով ժամը 8-ին։ Մոտ 200 հրշեջներ 3.5 ժամ պայքարում էին հրդեհի դեմ։ Հրդեհի պահին շենքում 300 մարդ է եղել։