Երեւանում մայիսի 13-ի գիշերը «Բրավո» տաքսի ծառայության ընկերության տնօրենի տան վրա ավազակային հարձակում կատարելու գործով նախաքննությունն ավարտվել է. նախնական տվյալներով ավազակային հարձակում կատարելու պահին սպանված Հրաչյա Ֆալանջյանի իրավահաջորդի ներկայացուցիչ Անի Չատինյանը դժգոհ է նախաքննությունից: NEWS.am-ի հետ զրույցում Անի Չատինյանը նշեց, որ քրեական գորոծով նախաքննությունը կատարվել է ոչ օբյեկտիվ եւ լիարժեք: Պաշտպանի՝ նախաքննական մարմնին ներկայացրած միջնորդությունն ավազակային հարձակման եւ Հրաչյայի մահվան գործով վարույթներն առանձնացնելու վերաբերյալ մերժվել են, որն էլ ապացում է՝ նախաքննությունն ընթացել է ոչ ամբողջական եւ օբյեկտիվ:
Ավելի վաղ ՀՀ Քննչական կոմիտեի մամուլի ծառայությունից տեղեկացրել էին, որ «Բրավո» տաքսի ծառայության ընկերության տնօրենի տան վրա ավզակային հարձակում կատարելու գործով նախաքննություն ավարատվել է:
Ավելի վաղ տեղեկացրել էինք, որ Երեւանում 2016թ. մայիսի 13-ի գիշերը «Բրավո» տաքսի ծառայության ընկերության տնօրենի տան վրա ավազակային հարձակում է տեղի ունեցել: Ավազակային հարձակման մեջ կասկածվում են Հրաչյան ու Էդգար Մկրտչյանը: Հրաչյա Ֆալանջյանը ավազակային հարձակման ընթացքում տեղի ունեցած ծեծկռտուքի հետեւանքով մահացել է, Էդգարը կալանավորված է: