Հայ Առաքելական Եկեղեցու Ուկրաինայի թեմի առաջնորդ Մարկոս Հովհաննիսյանի գլխավորությամբ հունվարի 19-ին՝ Հայտնության տոնին, Լվովում ջրի մկրտության կարգ է կատարվել: Այս մասին գրում է AnalitikaUA.net-ը՝ վկայակոչելով Ուկրաինայում հայերի միության մամուլի ծառայությունը:
Ավանդաբար արարողությունը տեղի է ունենում Լվովի կենտրոնում՝ Շուկայի հրապարակում, որին մասնակցում են հազարավոր լվովցիներ, հյուրեր, քաղաքում գործող բոլոր քրիստոնեական եկեղեցիների ներկայացուցիչները։ Արարողության ավարտին բոլոր հավաքվածները հնարավորություն են ստանում հավաքել օծված ջրից։
Համարվում է, որ մկրտության խորհրդի ժամանակ օծված ջուրը երկար ժամանակ չի կորցնում իր հատկությունները, սովորաբար այն պահում են մինչեւ հաջորդ տարի, իսկ անհրաժեշտության դեպքում, հիվանդությունների կամ ընտանիքում խնդիրների դեպքում՝ խմում կամ մաքրագործում տարածքը։