Եթե օրենքը թույլ տա, վարչապետ Կարեն Կարապետյանը կլինի ցուցակում։ Այս մասին այսօր՝ հունվարի 19-ին, ՀՀԿ ԳՄ նիստից հետո լրագրողների հետ զրույցում հայտնեց Հանրապետական կուսակցության մամուլի քարտուղար Էդուարդ Շարմազանովը։
Լրագրողի հարցին, թե հնարավո՞ր է, որ Կարեն Կարապետյանը չլինի Հանրապետականի ցուցակում, քանի որ օրենքը թույլ չի տալիս, Շարմազանովը պատասխանեց, որ դա իրավաբանական հարց է եւ իրավաբանները պետք է որոշեն։
«Ես իրավաբան չեմ, երբեք չեմ հավակնել իմ կարծիքը որպես վերջին ատյանի ճշմարտություն ներկայացնել, կորոշեն պատկան մարմինները. օրենքը թույլ կտա, կլինի ցուցակում, թույլ չի տա՝ չի լինի»,- ասաց նա։
