Եվրասիական տնտեսական միությանն անդամագրվելիս՝ Հայաստանը դարձել է մի ակումբի անդամ, որի շուկան 180 միլիոն է։ Այս մասին այսօր՝ հունվարի 20-ին, Հայաստանի Ամերիկյան համալսարանի ուսանողների հետ հանդիպմանն ասել է վարչապետ Կարեն Կարապետյանը։ Բացի դրանից, ըստ վարչապետի, Հայաստանում արտադրական, արդյունաբերական, գյուղատնտեսական պոտենցիալն այնպիսին է, որի հիմնական շուկան սպառողը նախկին Խորհրդային Միության հանրապետություններն են։
«Երրորդ, եթե նույնիսկ տնտեսական ցուցանիշները նվազել են 2016թ., չնայած ես նայել եմ, չեն նվազել, 2015թ.-ին ինձ նման հարց լրագրողները տվել են, եկեք իմիտացիա անենք, կամ ինչպես դուք եք ասում՝ սիմուլեյշն անենք՝ ինչպես կլիներ, եթե չմտնենինք, գուցե էդ դեպքում անկու՞մ լիներ։ Չորրորդ, ԵՏՄ ակումբի անդամ լինելով մեզ որևիցե մեկը խանգարու՞մ է այլ երկրների հետ համագործակցել, մենք ունե՞նք տնտեսական ներուժ Եվրոպայի հետ, կամ մեկ այլ երկրի հետ աշխատելու, որը պակասում է, քանի որ մենք ԵՏՄ-ի անդամ ենք։ Դուք ժամանակակից մարդիկ եք։ Ոնց էի պատասխանե՞լ՝ ինչ կցանկանայի ձեզ, եղեք անկախ, ակտիվ, չէ՞, եղեք անկախ, դատեք՝ պրագմատիկորեն, մեզ դա պետք է, թե չէ...Մենք դառնում ենք մի մեծ ակումբի անդամ, որտեղ եթե մենք ենք, խելք ունենք, կարող ենք աշխատել, կարող ենք գոլ խփել։ Եթե մենք գոլ չենք խփում, մենք մեզ չենք մեղադրում, էդ կլուբին ենք մեղադրում։ Ուրիշ տեղ գոլ խփելու հնարավորություն ունենք, չենք խփո՞ւմ»,-ասել է նա:
