Հայաստանի ԱԻՆ-ում, այսօր՝ հունվարի 22-ին, ժամը 12.47-ին տեղեկատվություն է ստացվել, որ Երեւան քաղաքի Ռուբինյանց փողոցում` «Ալմաստ» գործարանի մոտակայքում, տեղի է ունեցել ավտովթար՝ ավտոմեքենան բախվել է պատին, կան տուժածներ. անհրաժեշտ է փրկարարների օգնությունը։
Դեպքի վայր է մեկնել մեկ մարտական հաշվարկ:
Պարզվել է, որ Ռուբինյանց փողոցի թիվ 27/2 շենքի մոտակայքում թիվ 58 երթուղին սպասարկող «ԳԱԶել» մակնիշի 2809Տ պետհամարանիշով ավտոմեքենան (վարորդ՝ 57-ամյա Ա. Ք.) բախվել է «Opel Vectra B» մակնիշի 10 MT 077 պետհամարանիշով ավտոմեքենային (վարորդ` 29-ամյա Ց. Ա.), այնուհետեւ` դուրս եկել երթեւեկելի գոտուց եւ բախվել պատին:
Վթարի հետեւանքով 6 մարդ տեղափոխվել է
Մինչ փրկարարների` կանչի վայր հասնելը «ԳԱԶել» մակնիշի ավտոմեքենայի 6 ուղեւորներ՝ 25-ամյա Մ. Բ.-ն, 55-ամյա Ս. Կ.-ն, 59-ամյա Կ. Գ.-ն, 57-ամյա Ա. Գ.-ն, 30-ամյա Ի. Ժ.-ն եւ 59-ամյա Պ. Ժ.-ն տեղափոխվել են «Քանաքեռ-Զեյթուն» ԲԿ, որտեղ ստանալով համապատասխան բուժօգնություն՝ դուրս են գրվել:
Փրկարարները հոսանքազրկել են «ԳԱԶել» մակնիշի ավտոմեքենան եւ փակել գազի բալոնի փականը: