Աստանայում մեկնարկում են սիրիական խնդրի կարգավորման շուրջ բանակցությունները: Այս մասի հաղորդում է Sputnik Ղազախստանը:
Ծրագրվում է հանդիպումից հետո ամփոփիչ ասուլիս հրավիրել, որը կարող է մեկնարկել հունվարի 24-ին, ժամը 14:00-ին: Ղազախստանի ԱԳՆ-ի հաղորդմամբ՝ բանակցություններն անցկացվելու են դռնփակ, «Rixos President Astana» հյուրանոցում:
Բանակցություններին մասնակցությունը հաստատել են Սիրիայի կառավարության, սիրիական ընդդիմության, Ռուսաստանի, Թուրքիայի, Իրանի, ԱՄՆ-ի ներկայացուցիչները, ինչպես նաեւ Սիրիայի հարցով ՄԱԿ-ի գլխավոր քարտուղարի հատուկ բանագնացը:
Նախօրեին Աստանայում հանդիպել են Սիրիայի հարցով բանակցությունների նախաձեռնող Ռուսաստանի, Իրանի եւ Թուրքիայի ներկայացուցիչները: Ղազախստանում ՌԴ-ի բանագնաց-խորհրդական Ալեքսանդր Մուսիենկոն խոստովանել է, որ մի քանի ժամ տեւած խորհրդակցությունները «ծանր» են եղել: