Այսօր Հայաստանը զբոսաշրջության համար թերագնահատված երկիր է, ընդ որում, մեր ազգն աչքի է ընկնում հյուրասիրությամբ։ Այս մասին «Միր 24»–ին տված հարցազրույցում ասել է ՀՀ վարչապետ Կարեն Կարապետյանը։
«Դուք հավանաբար գիտեք, որ Հայաստանը զբոսաշրջության համար թերագնահատված երկիր է։ Քանի որ, երբ մենք նայում ենք զբոսաշրջության վիճակագրությանը, ներքուստ մենք այդ նիշն ավելի բարձր ենք դնում։ Հայաստանի մասին ավելին չգիտեն, քան այն, ինչ որ գիտեն։
Առաջին հերթին մենք առաջին ազգն ենք, որը քրիստոնեությունն ընդունել է որպես պետական կրոն։ Մեր ազգը մոտ 6 հազար տարվա պատմություն ունի, եւ մենք դրա ապացուցված փաստերն ունենք, որոնք հիմնված են պեղումների վրա։ Մենք 1000 տարով ավելի հին ենք, քան Քեոպսի բուրգը։ Այս փաստը պետք է հիշել։ Երեւանը մոտ 2800 տարեկան է։ Այսինքն՝ 50 տարով ավելի հին, քան Հռոմը։ Մենք առհասարակ ֆանտաստիկ երկիր ունենք եւ շատ հյուրընկալ ենք։ Ես նաեւ կառանձնացնեի եւս մի գիծ, որով առանձնանում է հայ ժողովուրդը։ Հավանաբար դա երախտագիտության զգացումն է։»
Վարչապետը նաեւ նշել է, որ ՌԴ քաղաքացիներին ներքին անձնագրերով շրջելու հնարավորություն տալը կնպաստի Ռուսաստանի եւ Հայաստանի միջեւ զբոսաշրջության զարգացմանը։
«Մենք վիզաներ ենք փոխանակել այն մասին, որ մեր երկրների քաղաքացիները կարող են ներքին անձնագրերով ճանապարհորդել։ Դա զբոսաշրջության զարգացման եւ ժողովուրդների մերձեցման համար մեծ ներուժ է։ Այդ իմաստով մենք ՌԴ քաղաքացիների հոսք ենք սպասում Հայաստան»,– ասել է վարչապետը։
