«Նոր քաղաքական մշակույթ» կուսակցության ղեկավար Անի Զախարյանը խորհրդարանական ընտրություններին կքվերակի Հանրապետական կուսակցության օգտին: Այս մասին այսօր՝ հունվարի 25-ին, NEWS.am-ի հետ զրույցում ասաց նա:
«Քաղաքական զավեշտին մասնակցություն չունենալու համար «Նոր քաղաքական մշակույթ» կուսակցությունը որոշում է կայացրել ձայնը տալ Հանրապետական կուսակցությանը, որպեսզի հետո կարողանա պահանջատեր լինել: Նաեւ այլ քաղաքական ուղղություններ պետք է որդեգրենք՝ միմյանց հետ ոչ թե շանտաժի լեզվով պետք է խոսենք, ոչ թե քաղաքական ընդվզումների լեզվով, այլ մի պահ պետք է վերաիմաստավորենք այն քաղաքական անցյալը, որը ունեցել ենք, այն քաղաքական փոփոխությունները, որոնք սպասվում են եւ քաղաքական լուրջ հունի մեջ դնենք դրանք»,-ասաց նա:
