Օսկանյան-Օհանյան-Սարգսյան ստեղծվելիք դաշինքին մի շարք կուսակցություններ եւ կազմակերպություններ են միացել:
«Համախմբում» կուսակցության մամուլի պատասխանատու Արեգնազ Մանուկյանի փոխանցմամբ, այս պահի դրությամբ, «Համախմբում», «Երրորդ հանրապետություն», Հայաստանի դեմոկրատական կուսակցությունների կողմից դաշինք ստեղծելու մասին հայտարարությանը միացել են «Միացյալ հայեր» հասարակական կազմակերպությունը, «Կարմիր բերետներ» ռազմահայրենասիրական կազմակերպությունը, «Ազգային ինքնորոշում միավորում» կուսակցությունը եւ Ժողովրդական կուսակցությունը (նախագահ Տիգրան Կարապետյան-խմբ)։
«Մենք ողջունում ենք բոլոր միացողներին եւ տեղեկացնում, որ այլ քաղաքական ուժերի եւ միավորումների, հասարակական կառույցների ու անհատների հետ քննարկումները, հանդիպումները եւ բանակցությունները շարունակվում են։
Դաշինքը բաց է բոլոր նրանց համար, ովքեր կիսում են մեր մտահոգությունները եւ տեսակետները»,-նշել է մամուլի քարտուղարը:
