Եվրամիության ղեկավարությունը պետք է ճնշում գործադրի Ադրբեջանի նախագահ Իլհամ Ալիեւի վրա, որպեսզի ազատի անարդարացի դատապարտվածներին, լրագրողներին եւ կառավարության այլ քննադատներին։ Այս մասին ասված է Իլհամ Ալիւեի՝ Բրյուսել կատարվելիք այցելության կապակցությամբ Human Rights Watch–ի զեկույցում, փոխանցում է contact.az–ը։
Ալիեւը Բրյուսել կայցելի փետրվարի 6-ին Ադրբեջան–ԵՄ նոր համաձայնագրի շուրջ բանակցությունների համար։ Ակնկալվում է, որ նա Եվրահանձնաժողովի նախագահ Ժան Կլոդ Յունկերի, Եվրոպական խորհրդի նախագահ Դոնալդ Տուսկի եւ այլ բարձրաստիճան պաշտոնյաների հետ հանդիպումներ կունենա։
«Մինչ Ադրբեջանն եւ ԵՄ–ն համագործակցության նոր փուլ են ձեւավորում, անհրաժեշտ է, որ ԵՄ–ն իսկապես պաշտպանի մարդու իրավունքները, այլ ոչ թե աչք փակի Ալիեւի ճնշումների վրա»,– ասել է HRW–ի տնօրեն Լոտտե Լայհթը։
ԵՄ–ն պետք է Ալիեւի հետ հանդիպումներն օգտագործի Ադրբեջանում մարդու իրավունքների հրատապ բարեփոխումներն իրականացնելու համար։
