ՀԱՊԿ գլխավոր քարտուղարի պաշտոնակատար Վալերի Սեմերիկովը Սերբիայի պաշտպանության նախարար Զորան Ջորջեւիչի հետ քննարկել է համագործակցությունը անվտանգության ոլորտում՝ նշելով, որ կազմակերպությունում հիմա քննարկվում է դիտորդի կարգավիճակում սերբական պատվիրակության մասնակցությունը Օպերատիվ արձագանքման հավաքական ուժերի համատեղ զորավարժություններին, հայտնել է ՀԱՊԿ մամուլի ծառայությունը։
Հանդիպման ընթացքում Վալերի Սեմերիկովը նաեւ առաջարկել է լիարժեք ծավալով իրականացնել 2017-ին ծրագրված միջոցառումները ՝ հակաահաբեկչական ու հակաթմրադեղային ուղղությամբ հնարավոր ընդլայնմամբ։
Սերբական պատվիրակությունն էլ խոսել է իր ներկայացուցիչների հնարավոր մասնակցության մասին ՀԱՊԿ միջոցառումներին՝ հաշվի առնելով կողմերի փոխադարձ շահագրգռվածությունը։ Հանդիպումն անցել է կառուցողական ու գործնական մթնոլորտում։