Պաշտպանության նախկին նախարար Սեյրան Օհանյանը հրավիրված է եղել ԵԿՄ համագումարին եւ միգուցե ժամանակի պատճառով չի ներկայացել: Այս մասին այսօր՝ փետրվարի 18-ին, ԵԿՄ համագումարից հետո լրագրողների հետ զրույցում ասաց ՀՀ պաշտպանության նախարարի խորհրդական Արմեն Սարգսյանը` խոսելով համագումարից Սեյրան Օհանյանի բացակայության մասին:
«Ես չեմ կարծում, որ Սեյրան Օհանյանին մոռացել են, կամ կարող են մոռանալ: Միգուցե Սեյրան Օհանյանը ժամանակի պատճառով չի ներկայացել համագումարին, բայց վստահ եմ, որ նա համագումարին հրավիրված է եղել եւ այսօր»,- ասաց նա:
Արմեն Սարգսյանը նաեւ նշեց, որ ընդդիմադիր դաշտում իրեն չի պատկերացնում. «Առաջին օրվանից սկսած, երբ Հայաստանի Հանրապետության անկախ պետության մեջ ստեղծվել են կուսակցություններ, ես երբեք կուսակցական չեմ եղել»:
Արմեն Սարգսյանի խոսքով, թեեւ ինքը ժամանակին համակրել է Հանրապետականին, բայց երբեւիցե կուսակցական չի եղել ու չի խառնվում քաղաքականությանը: