ՀՀ տարածքային կառավարման եւ զարգացման նախարարության կողմից մշակվել են բազմաբնակավայր խոշորացված համայնքերում ՏԻՄ-ի եւ աշխատակազմերի գործունեության կազմակերպման եւ համայնքապետարանի աշխատակազմի կառուցվածքի հաստատման, հաստիքացուցակների կազմման, պաշտոնային դրույքաչափերի համամասնության սահմանման մեթոդական ուղեցույցներ:
Համայնքապետարանի աշխատակազմի կառուցվածքի հաստատման մեթոդական ուղեցույցում ներկայացված առաջարկությունների կիրառմամբ միատեսակ կդառնան համայնքապետարանների աշխատակազմերի հաստիքացուցակները, կսահմանվեն կանոնակարգված եւ աստիճանակարգված պաշտոնային դրույքաչափեր, աշխատակիցների օպտիմալ թվաքանակը (հայեցողական, համայնքային ծառայության պաշտոններ զբաղեցնող եւ տեխնիկական սպասարկում իրականացնող անձանց առումով), որի արդյունքում առավել արդյունավետ կօգտագործվեն համայնքի ֆինանսական միջոցները: Նախատեսված է աշխատակազմի աշխատակիցների աշխատավարձերի համամասնությունը, որի համաձայն համայնքապետարանների աշխատակազմի հաստիքացուցակով նախատեսված պաշտոնները զբաղեցնող աշխատակիցների աշխատավարձերի հանրագումարը չպետք է գերազանցի համայնքի սեփական եկամուտները: Ուղեցույցում ներկայացված են նաեւ աշխատավարձերի հաշվարկման գործակիցները:
Բազմաբնակավայր խոշորացված համայնքերում ՏԻՄ –ի եւ աշխատակազմերի գործունեության կազմակերպման ուղեցույցում էլ ներկայացվում են խոշորացված բազմաբնակավայր համայնքի ղեկավարի, նրա տեղակալի, ավագանու անդամի, աշխատակազմի եւ նրա ծառայողների, ինչպես նաեւ ավագանու հանձնաժողովների գործունեության կազմակերպման հետ կապված հստակ մեխանիզմները: Իսկ կարգորոշված ցուցումները հնարավորություն կընձեռեն բազմաբնակավայր համայնքների ՏԻՄ-ին եւ աշխատակազմերին առավել արդյունավետ եւ նպատակաուղղված կազմակերպել իրենց գործունեությունը, դրանով իսկ ապահովելով օրենքով իրենց տրված լիազորությունների լիարժեք իրականացումը: Միաժամանակ կբարձրացվի բնակչությանը համայնքային նշանակության ծառայությունների մատուցման մակարդակը: Ուղեցույցի նպատակն է նաեւ թիրախավորել բազմաբնակավայր համայնքի ՏԻՄ-ի եւ աշխատակազմերի գործառույթները՝ սահմանելով գործառույթների իրականացման համար «Տեղական ինքնակառավարման մասին» ՀՀ օրենքից եւ ոլորտը կարգավորող այլ իրավական ակտերից բխող ժամկետներ եւ գործիքակազմ:
Երկու ուղեցույցներն էլ հասանելի են ՀՀ ՏԿԶՆ պաշտոնական կայքում:
Բազմաբնակավայր խոշորացված համայնքերում ՏԻՄ –ի եւ աշխատակազմերի գործունեության կազմակերպման ուղեցույց http://www.mtad.am/files/docs/1584.pdf
Համայնքապետարանի աշխատակազմի կառուցվածքի հաստատման, հաստիքացուցակների կազմման, պաշտոնային դրույքաչափերի համամասնության սահմանվան մեթոդական ուղեցույց:
