Անցյալ տարվա ապրիլին Լեռնային Ղարաբաղում իրավիճակի սրումը ոչ միայն մարդկային զոհերի հանգեցրեց, այլեւ ծանր հարված հասցրեց բանակցային գործընթացին: Այս մասին «ՌԻԱ Նովոստի»-ի հետ հարցազրույցում ասել է Հայաստանի ԱԳ նախարար Էդվարդ Նալբանդյանը:
«Ադրբեջանը ռազմական նոր արկածախնդրության դիմեց՝ պատրանք ունենալով, որ եթե իրեն չհաջողվի խաղաղ բանակցությունների ընթացքում իր դիրքերը պարտադրել, ապա դա կարող է անել ուժ կիրառելով: Եվ կրկին ձախողվեց: Այդ արկածախնդրության արդյունքը ոչ միայն մարդկային կորուստն էր, այլեւ բանակցային գործընթացին հասցված ծանր հարվածը»,- ասել է նախարարը:
