ԼՂՀ-ում կալանավորված՝ Ադրբեջանի քաղաքացի Էլնուր Հուսեյնզադեն չի դժգոհում պահման պայմաններից։ Այս մասին NEWS.am–ի թղթակցին հայտնել է կալանավորվածի փաստաբան Արկադի Իսրայելյանը։

Փաստաբանի խոսքով, նա իր պաշտպանյալի հետ երկու անգամ հանդիպել է։ «Շփվում ենք թարգմանչի օգնությամբ»,- հայտնել է փաստաբանը՝ հավելելով, որ իր պաշտպանյալը այն ծավալով չի տիրապետում ռուսերենին, որ կարողանա ծանոթանալ մեղադրանքին։

Այն հարցին, արդյոք կալանավորվածը պահման պայմանների հետ կապված դժգոհություններ ունի՝ փաստաբանը բացասական պատասխան է տվել։ «Գանգատներ չկան։ Եթե լինեն ՝մենք անպայման գրավոր կտեղեկացնենք»,- ասել է նա։

Հիշեցնենք, որ Է․ Հուսեյնզադեին արդեն այցելել են ԼՂՀ օմբուդսմեն Ռուբեն Մելիքյանը, ԿԽՄԿ ներկայացուցիչները, ղարաբաղյան իրավապաշտպանները։

Փետրվարի 1-ին, ժամը 15.00-ի սահմաններում ղարաբաղա-ադրբեջանական հակամարտ զորքերի շփման գծի հյուսիսային (Թալիշ) ուղղությամբ հակառակորդը, օգտագործելով եղանակային մառախլապատ պայմանները, ձեռնարկել է հետախուզա-դիվերսիոն ներթափանցման փորձ:

ՊԲ առաջապահ ուժերը, ժամանակին հավաստանշելով ադրբեջանական հատուկ ջոկատայինների առաջխաղացումը, դիմել են կանխարգելիչ գործողությունների եւ կորուստներ պատճառելով հետ շպրտել: Կազմակերպված հակադիվերսիոն գործողության արդյունքում՝ առաջնագիծը պաշտպանող հայկական ուժերին հաջողվել է գերեվարել ադրբեջանական բանակի զինծառայող, 1995թ. Բարդա քաղաքում ծնված Էլնուր Հյուսեյնզադեին