Ադրբեջանում ընդդիմադիր կնոջը ոստիկանական տեղամասում այնքան են պահել մինչեւ նա համացանցում ջնջել է քննադատական գրառումները:
Ադրբեջանի «Դասական ազգային ճակատ» կուսակցության առաջնորդ Միրմահմուդ Միրալիօղլուն Turan-ին հայտնել է, որ կուսակցության Յասամալի շրջանային բաժանմունքի նախագահ Նիսախանում Վելիեւային երեքշաբթի ոստիկանությունը ձերբակալել է: Վելիեւային նախ տարել են Յասամալի շրջանային վարչության 29-րդ բաժանմունք: Նրան այնտեղ 2 ժամ պահելուց հետո տարել են ոստիկանության շրջանային վարչություն եւ այնտեղ եւս 2 ժամ պահել:
Վելիեւային պահանջներ են ներկայացվել Facebook-ում իշխանությունների վերաբերյալ նրա քննադատական գրառումների համար: Ակտիվիստուհուց պահանջել են դրանք հեռացնել եւ դա անելուց հետո նոր միայն նրան ազատ են արձակել: Միրալիօղլուն Վելիեւայի ձերբակալությունը գնահատել է որպես Ադրբեջանում «ոստիկանական ռեժիմի ուժեղացում» եւ «մարդու իրավունքների իրավիճակի վատթարացում»: