ՆԱՍԱ-ի հետազոտողների խումբը հայտնաբերել է անբացատրելի գամմա- ճառագայթումներ Անդրոմեդայի գալակտիկայում, որը հայտնի է նաեւ որպես Մ31։ Դրանք կարող են լինել մութ մատերիայի հետքերը, հայտնում է Lenta–ն։
«Մենք կարծում ենք, որ մութ մատերիան կուտակվում է Ծիր Կաթինի ու մյուս գալակտիկաների ներքին ոլորտներում, դրա համար էլ հստակ հետքի հայտնաբերումը մեզ շատ հետաքրքրել է,- պատմել է աստղաֆիզիկոս Պյերիկ Մարտեն,- Մ31-ը կօգնի հասկանալ, թե ինչ է տեղի ունենում Անդրոմեդայի ու Ծիր Կաթինի ներսում»։
Հայտնագործությունն արվել է «Ֆերմի» գամմա -հեռադիտակի օգնությամբ, ոըը 2009-ին Ծիր Կաթինի կենտրոնում ֆիքսել էր մութ մատերիայի առաջին հետքերը՝ գամմա- ճառագայթման ավելցուկի տեսքով։ Քանի որ այդ ճառագայթման պայծառությունը գերազանցում էր տեսականորեն կանխատեսվող նիշերը, գիտնականները ենթադրել էին, որ դրա աղբյուրը իրար բախվող վիմպերի՝ զանգվածների տրոհումն է ։
Մութ մատերիան մատերիայի հիպոտետիկ ձեւ է, որը չի արձակում էլեկտրամագնիսային ճառագայթում ու ուղղակիորեն չի փոխգործակցում դրա հետ։ Այս հատկանիշը անհնար է դարձնում դրա անմիջական դիտարկումը։
