Հայաստանում տուգանք կսահմանեն ընտրատեղամասերում տեսախցիկների վատ սպասարկման համար։Այս մասին ասվում է վարչական խախտումների մասին օրենսգրքում փոփոխությունների նախագծում։

Օրինագիծը հաստատվել է ԱԺ պետաիրավական հարցերով հանձնաժողովի փետրվարի 24-ի նիստի ժամանակ։

Արդարադատության փոխնախարար Արթուր Հովհաննիսյանը հայտնել է, որ տուգանքները նախատեսված են լինելու ընտրատեղամասերում հսկիչ տեսախցիկների սպասարկման անձնակազմի պարտականությունների չկատարման կամ անբավարար կատարման համար։

Հաշվի առնելով, որ նման գործերը կարող են կապակցված լինել ընտրությունների բողոքարկման հետ, դրանց քննմանը հատկացվում է առավելագույնը մեկ ամիս ժամանակ։

Հիշեցնենք, որ Հայաստանում 2017-ի ապրիլի 2-ին ծրագրված խորհրդարանական ընտրությունների ժամանակ ընտրատեղամասերում գործելու են հսկիչ տեսախցիկներ՝ առցանց հեռարձակումով։