Ուկրաինայի նախագահ Պյոտր Պորոշենկոն հրամանագիր է ստորագրել, որով գործողության մեջ է դրել «Ուկրաինայի տեղեկատվական անվտանգության դոկտրինի» ստեղծման մասին Ազգային անվտանգության եւ պաշտպանության խորհրդի որոշումը: «112» հեռուստաալիքի փոխանցմամբ՝ փաստաթուղթն ուժի մեջ է մտնում հրապարակման պահից:
Դոկտրինի նպատակն է հստակեցնել պետական տեղեկատվական քաղաքականության ձեւավորումն ու իրականացումը, առաջին հերթին՝ «Ռուսաստանի կողմից տարվող հիբրիդային պատերազմի պայմաններում այդ երկրի կործանարար տեղեկատվական ազդեցությանը հակազդելու առումով»:
Փաստաթուղթը սահմանում է տեղեկատվական ոլորտում Ուկրաինայի ազգային շահերը, դրանց իրականացման սպառնալիքները եւ այլն:
