«Սասնա ծռեր» խմբի անդամ Արայիկ Խանդոյանը քիչ առաջ դադարեցրել է փետրվարի 16-ից սկսած հացադուլը: Այս մասին այսօր` փետրվարի 28-ին, NEWS.am-ը տեղեկացավ ԱՆ ՔԿՎ հանրային կապերի բաժնից: Արայիկ Խանդոյանը «Հաց բերող» Արթուր Սարգսյանին հորդորել է դուրս գալ հացադուլից:
Ավելի վաղ տեղեկացրել էինք, որ Արայիկ Խանդոյանը հացադուլ է հայտարարել ի աջակցություն «Հաց բերող» Արթուր Սարգսյանի եւ եղբոր` Արարատ Խանդոյանի:
Արայիկ Խանդոյանին մեղադրանք է առաջադրվել Քրեական օրենսգրքի 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):
