Հայկական կողմերի պաշտպանության միակ գործոնը սեփական Զինված ուժերն են: Այս մասին փետրվարի 28-ին հայտարարեց Տարածաշրջանային հետազոտությունների կենտրոնի ղեկավար, քաղաքագետ, ԱՄՆ-ի քաղաքացի Ռիչարդ Կիրակոսյանը՝ ելույթ ունենալով «Ղարաբաղյան հակամարտության գոտում իրավիճակի լարվածության ներքին եւ արտաքին գործոնները» թեմայով քննարկման ընթացքում:
Նրա խոսքով՝ ցավոք, հենց Ռուսաստանն է խթանում Ադրբեջանի գործողությունները: «Մենք իրական աշխարհում ենք ապրում՝ Ադրբեջանը նավթ է վաճառում, Ռուսաստանը՝ զենք: Եվ ստացվում է, որ մեր պաշտպանության միակ գործոնը մեր Զինված ուժերն են: Հարցն այն չէ՝ կլինի երբեւէ ռազմական թեժացում, այլ այն՝ երբ կլինի»,- հավելեց Կիրակոսյանը: