«Սասնա ծռեր» խմբի անդամ Արայիկ Խանդոյանը «Միայնակ գայլ» կոչով է հանդես եկել եւ փետրվարի 9-ից հացադուլ հայտարարած Արթուր Սարգսյանին «Հաց բերողին» հորդորել դադարեցնել հացադուլը:
«Արթուր ջան՛, ես դադարեցնում եմ հացադուլը եւ նույնը խնդրում եմ նաեւ քեզ: Մենք պարտավոր ենք ուժեղ լինել մտքով ու ոգով, առողջ՝ մարմնով: Ավարտին հասցնելու գործ ունենք:
Մեր Ծուռ պատվելի եղբայր ջան՛ մենք գործն ավարտին կարող ենք հասցնել մեր լինելով, այլապես չցանկանալով թեւ կտանք ազգադավ ռեժիմին:
Ուստի խնդրում եմ դադարեցնել հացադուլը եւ բոլոր ուժերն ուղղել մեր Հայրենիքի փրկության սրբազան գործին:
Հարգանքներով քո եղբայր Արայիկ Խանդոյան»,-ասել է նա:
Ավելի վաղ տեղեկացրել էինք, որ այսօր Արայիկ Խանդոյանը դադարեցրել է փետրվարի 16-ից հայտարարած հացադուլը:
