ՀՀ Կենտրոնական ընտրական հանձնաժողովը փետրվարի 28–ին արտահերթ նիստի ժամանակ բաշխել է հինգ քառակուսի մետրը գերազանցող արտաքին գովազդային վահանակներին քարոզարշավի պաստառների տեղադրման կարգը ՝ խորհրդարանական ընտրություններին մասնակցող կուսակցությունների ու կուսակցական դաշինքների միջեւ։
Հայաստանի ԿՀԸ քարտուղար Արմեն Սմբատյանը հստակեցրել է. «Մենք, պահպանելով հավասար սկզբունքը, բավարարել են ընտրություններին մասնակցող բոլոր կուսակցությունների ու կուսակցական դաշինքների պահանջը՝ գովազդային վահանակներ հատկացնելու հետ կապված։ Դրա համար մենք օգտագործել ենք հայտնի բանաձեւերից մեկը՝ երբ մրցակից կողմերից յուրաքանչյուրի պահանջը կբավարարվի հավասար պայմաններում։ Մենք պահպանել ենք եւս մեկ կարեւոր սկզբունք՝ երկկողմանի վահանակի մի կողմը բաժին է ընկել մի կուսակցության, մյուսը՝ մեկ այլ»։
Կուսակցություններն ու կուսակցական դաշինքները երեք օրվա ընթացքում պետք է վահանակները հատկացնող պայմանագրեր կնքեն ընկերությունների հետ՝ դրանք օգտագործել կարողանալու համար։ «Եռօրյա ժամկետի սպառման դեպքում կազկաերպությունները կարող են օգտվել վահանակներից այլ նպատակներով, բացառությամբ՝ քաղաքական գովազդի։ Այսինքն՝ տվյալ կուսակցությունը կամ կուսակցական դաշինքը Ազգային ժողովի ընտրությունների համար կարող է պաստառ տեղադրել միայն այն գովազդային վահանակի վրա, որը նրանց բաժին է ընկել մեր բաշխման արդյունքում», - հավելել է նա։