ԱՄՆ-ում գրիպի նոր վարակ է հայտնաբերվել, որը իրենից ներկայացնում է նախկինում հայտնի երեք վարակների հիբրիդ: Դա գրիպի նոր տարատեսակ է, որի անվանումը A/H3N2 է: Նոր վարակը հայտնաբերվել է երկու ամերիկացիների մոտ: Վարակվածներից մեկը 7 ամսական մի մանկիկ է Իլլինոյսից եւ 46-ամյա տղամարդ` Փենսիլվանիայից:
Հայտնաբերված վարակը իր մեջ ներառում է գրիպի նախկին երեք տեսակների, այդ թվում թռչնագրիպի եւ խոզագրիպի տեսակները, բայց բոլորովին այլ գենետիկ կառուցվածք ունի:
Հիշեցնենք, որ անցած տարի սկանդալ էր ծագել A/H1N1-ի պատճառով: Պարզվել էր, որ առողջապահության համաշխարհային կազմակերպության մեղքով մեծ գումարներ էին վատնել, իսկ բնակչությանը չհիմնավորված վախ էր ներշնչվել:
