Ալեքսանդր Լապշինի գործի հետաքննությունը երկու ամիս կտեւի, քանի որ հետաքննությունը դեռեւս մեղադրանքի համար հիմքեր չի առաջադրել Բաքվում կալանքի տակ գտնվող բլոգեր Ալեքսանդր Լապշինին: Այս մասին հայտնել է բլոգերի փաստաբան Էդուարդ Չերնինը, հաղորդում է «ՌԻԱ Նովոստի»-ն:
«Չնայած ռուս-իսրայելցի բլոգեր Ալեքսանդր Լապշինին վերագրվող հոդվածներին՝ հետաքննությունը դրանց դեռեւս ոչ մի հիմնավորում չի առաջադրել », - նշել է Չերնինը:
Նրա խոսքով՝ Լապշինը դեռ չգիտի, թե կոնկրետ ինչում է մեղադրվում: «Մեր ձեռքում նյութ չկա՝ ինչ-որ բանի դեմ բողոքելու համար: Եւ, թվում է, հետաքննությունը կտեւի առնվազն մեկ- երկու ամիս»,-ասել է Չերնինը:
Վերջին անգամ նա Լապշինի հետ հանդիպել է մարտի 9-ին, եւ, ինչպես հայտնել է փաստաբանը, նա ոչնչից չի բողոքել:
Ինչ վերաբերում է միջնորդություններին, ապա փաստաբանի խոսքով՝ դա կարող է առնչվել իր պաշտպանյալի նկատմամբ խափանման միջոցը փոխելուն: «Լապշինը հանրությանը սպառնալիք չի ներկայացնում եւ կարող էր կալանքից ազատ արձակվել հետաքննության ժամանակ: Բայց մյուս կողմից՝ որտե՞ղ նա կարող է մնալ Բաքվում՝ չէ՞ որ նա այստեղ տուն ու հարազատներ չունի, որոնց կարելի էր հանձնել նրան եւ հսկողության տակ պահել»,-ասել է փաստաբանը:
