ՀԴԲ-ի տնօրեն Ջեմյս Կոմին հաստատել է, որ իր գերատեսչությունը ակտիվ հետաքննում է ամերիկյան ընտրություններին Ռուսաստանի միջամտության փորձերը՝ այդ թվում Ռուսաստանի իշխանությունների ու Թրամփի նախընտրական շտաբի հնարավոր համագործակցությունը, հայտնում է «Ամերիկայի ձայնը»։
Կոմին ցուցումներ է տվել ԱՄՆ ներկայացուցիչների պալատի հետախուզության հարցերով հանձնաժողովում՝ Ազգային անվտանգության գործակալության ղեկավար Մայքլ Ռոջերսի հետ միասին։
Կոմին հայտնել է, որ անհնար է հայտնել ռուսական միջամտության հետաքնության ավարտի մոտավոր ժամկետները։ Ինչ վերաբերում է գաղտնի տեղեկությունների արտահոսքին՝ Կոմին դրանք կոչել է լուրջ հանցագործություններ, որոնք անհրաժեշտ է հետաքննել, իսկ մեղավորներին պատասխանատվության կանչել։
