Բելգիայի ոստիկանությունն ահաբեկչության փորձի մեղադրանք է առաջադրել տղամարդուն, որը մարտի 23-ին փորձել է Անտվերպենի աշխույժ առեւտրային փողոցում մեքենայով մարդկանց բազմության մեջ մխրճվել, փոխանցում է BBC-ն:
Ձերբակալվածը Ֆրանսիայի 39-ամյա քաղաքացի է, ծնունդով Հյուսիսային Աֆրիկայից Մոհամեդ Ռ.-ն: Նա մեծ արագությամբ անցել է Մեյր փողոցով, ինչից հետո ոստիկանությանը հաջողվել է ձերբակալել նրան: Միջադեպի հետեւանքով ոչ ոք չի տուժել, անցորդները հասցրել են փախչել մեքենայից:
Հարձակվողի ավտոմեքենայում դանակ են գտել, հարթափող հրացան, անհայտ ծագման հեղուկով լի տարա:
