Եթե Ադրբեջանը նավթային կապիտալ ունի, ապա Հայաստանն էլ ունի մարդկային կապիտալ։ Այս մասին մարտի 24-ին Դավիթաշեն թաղամասում ընտրողների հետ հանդիպման ժամանակ ասել է վարչապետ Կարեն Կարապետյանը։
Պատասխանելով տեղի դպրոցի ուսուցչուհու հարցին՝ նա ասել է․ «Ես երկար ժամանակ աշխատել եմ մի ոլորտում, որը մոտ է նավթայինին (ղեկավարել է« ԱրմՌոսգազպրոմը» , հետո բարձր պաշտոններ զբաղեցրել հենց «Գազպրոմում» -խմբ), դրա համար էլ այդ ոլորտը բավականին լավ գիտեմ։ Շատ երկրներում, որոնք հարուստ են ածխածիններով, հենց այդ պատճառով է արգելակում զարգացումը։ Կա նույնիսկ այդպիսի հասկացություն՝ «ռեսուրսային անեծք»։ Երջանկության համաշխարհային գործակիցներում նման երկրները երբեք չեն հայտնվում։ Առաջատար են այն երկրները, որտեղ ստեղծված են հնարավորություններ աշխատանքի ու ստեղծագործելու համար։ Որտեղ մարդը կարողանում է իրացնել իրեն, օգուտ տալ երկրին։ Մենք դրա համար ունենք կապիտալ՝ մարդկային կապիտալը»,- հայտնել է վարչապետը։