ՆԱՍԱ տիեզերական գործակալությունը հրապարակել է մի տեսագրություն այն փոփոխությունների մասին, որոնք տեղի են ունեցել Արկտիկայում վերջին 38 տարիներին, հայտնում է «Ռոսբալտը»։
ՆԱՍԱ-ի հաղորդագրության մեջ նաեւ ասվում է, որ Արկտիկայում սառույցի հաստությունը նվազել է մինչեւ ռեկորդային ցածր նիշերի, ինչը թե ընդհանուր կլիմայական տաքացման, թե անբնական տաք ձմռան հետեւանքն է, համարում են գիտնականները։
Ըստ արբանյակային տվյալների՝ 1979-ից մինչեւ հիմա արկտիկյան սառույցների հաստությունը կրճատվել է երկու միլիոն քառակուսի կիլոմետրով։ Ընդ որում նշում են, որ 2016-ը ամենատաք տարին է եղել մետեոդիտարկումների պատմության մեջ։ Գլոբալ տաքացումը գիտնականները կապակցում են մարդու գործունեության հետ։ Նրանց կարծիքով մի քանի տասնյակ տարի հետո Արկտիկան ամռանը կհալչի, իսկ ձմռանը նորից կսառչի։