Ապրիլի 2-ի խորհրդարանական ընտրությունների էլեկտրոնային քվեարկությունն այսօր՝ մարտի 26-ին, ժամը 20:00-ին ավարտվել է: Այն սկսվել էր մարտի 24-ին, երեւանյան ժամանակով 08։00-ին: Էլեկտրոնային մեթոդով քվեարկությանը մասնակցել է 877 ընտրող։ Էլեկտրոնային քվեարկության արդյունքները ամփոփվելու են Հայաստանում քվեարկության ավարտից անմիջապես հետո:

Հիշեցնենք, որ էլեկտրոնային քվեարկությունը նախատեսված է այն ընտրողների համար, որոնք դիվանագիտական ծառայություն են անցնում Հայաստանի դիվանագիտական ու հյուպատոսական ներկայացուցչություններում ու նրանց ընտանիքի այն անդամների համար, որոնք քվեարկության իրավունք ունեն, նաեւ զինծառայողների, արտերկրներում երկարաժամկետ ուսման կամ գործուղման մեջ գտնվողների համար։

ԿԸՀ-ն մարտի 23-ի արտահերթ նիստի ժամանակ որոշում էր կայացրել ապրիլի 2-ի խորհրդարանական ընտրությունների ժամանակ էլեկտրոնային քվեարկության մեկնարկի ժամկետը սահմանելու մասին։