Ոստիկանությունը վարչական պատասխանատվության է ենթարկել 131-ից 115 մարդու, որոնք ոստիկանական բաժիններ են տարվել մարտի 26-ին Պետերբուրգում տեղի ունեցած չթույլատրված ակցիայից հետո։ Այս մասին «ՏԱՍՍ»-ին հայտնել է ՆԳՆ Պետերբուրգի եւ Լենինգրադի մարզի գծով գլխավոր վարչությունը։
«Չթույլատրված ակցիայից հետո քաղաքացիների հետ պարզաբանությունների հետեւանքով 115 մարդ վարչական պատասխանատվության է ենթարկվել՝ զանգվածային միջոցառումներ անցկացնելու կարգը խախտելու համար», - ասել է ոստիկանության զրուցակիցը։
Նրա խոսքով՝ ոստիկանություն է տեղափոխվել նաեւ 9 անչափահաս, որոնց ավելի ուշ հանձնել են օրինական ներկայացուցիչներին։ Ոստիկանությունից առանց արձանագրություն կազմելու ազատ են արձակվել Պետերբուրգի ու դաշնային լրատվամիջոցների մի շարք ներկայացուցիչներ, որոնք լուսաբանում էին բողոքի ակցիան։