Նախկին շատ իշխանավորներ խոսում են կոռուպցիայից, չմտածելով, որ երեկ չէ առաջին օրը իրենք էին իշխանության, եւ նույն բանն իրենց մասին էին խոսում: Այս մասին, այսօր՝ մարտի 28-ին, «Եռաբլուր» պանթեոնում NEWS.am-ի թղթակցի հետ զրույցում նշել է ԱԺ նախագահ Գալուստ Սահակյանը:
«Գիտե՞ք՝ ցանկացած կուսակցության անդամ միշտ բարձր է գնահատում իր հաղթելու շանսերը, բայց ես այդ մասին չեմ ուզում խոսել: Ես ուզում եմ խոսել մնացածներին, որոնք խոսում են, նաեւ իշխանության ներկայացուցիչներ են, որ ժամանակին եղել են, խոսում են կոռուպցիայից եւ ամեն ինչի մասին՝ չմտածելով, որ երեկ չէ առաջին օրը իրանք էին իշխանության, եւ խոսում էին նույն բանն իրենց մասին: Մեզանում դա պիտի տեղ չգրավի: Իսկ Հանրապետականը գնում է այնպես, ինչպես եղել է»,-ընդգծեց ԱԺ նախագահը: