Մենք պատրաստ ենք աշխատել ցանկացած ներդրողի հետ՝ անկախ նրանց քաղաքական հայացքներից: Ապրիլի 13-ին կառավարության նիստից հետո այս մասին լրագրողներին ասաց տնտեսական զարգացման եւ ներդրումների նախարար Սուրեն Կարայանը՝ ի պատասխան «Բարգավաճ Հայաստան» կուսակցության եւ «Ծառուկյան» դաշինքի առաջնորդ Գագիկ Ծառուկյանի ներդրումային խոստումներին վերաբերող հարցին:
Նախընտրական արշավի ժամանակ խոշոր ձեռներեց Ծառուկյանը, որը վերջերս դարձյալ քաղաքականություն է վերադարձել, ընտրողներին մի քանի անգամ խոստացել է, որ եթե ընտրություններում իր դաշինքը հաղթի, ապա իր արտասահմանյան ընկերները Հայաստանի տնտեսության մեջ 15 մլրդ դոլարի ներդրումներ կանեն:
Հարցին՝ նախարարությունը պատրա՞ստ է այս հիպոթետիկ ներդրողների հետ աշխատելու, Կարայանը պատասխանեց. «Մենք պատրաստ ենք աշխատել ցանկացած ներդրողի հետ՝ անկախ քաղաքական պատկանելությունից»:
