ՌԴ Եկատերինբուրգ քաղաքում տեղացի տղամարդու դեմ քրեական գործ է հարուցվել, որը, քննության տվյալներով, օրը ցերեկով փողոցում դաժանորեն ծեծել է իր հնգամյա որդուն: Lenta-ի փոխանցմամբ՝ այս մասին նշված է Ռուսաստանի ՔԿ-ի Սվերդլովի մարզի քննչական վարչության կայքում:
Ապրիլի 19-ի երեկոյան Տիեզերագնացների եւ Կարմիր հրամանատարների փողոցների խաչմերուկում 39 տարեկան հարբած տղամարդը երեխայի գլուխը մի քանի անգամ խփել է ասֆալտին: Տեղի ունեցողին միջամտել են անցորդները, երեխային տեղափոխել են հիվանդանոց: Չարագործը դեպքի վայրից փախուստի է դիմել, սակայն քրեական հետախուզության աշխատակիցներին հաջողվել է նրան արագ ձերբակալել:
Նախկինում դատված տղամարդու դեմ քրեական գործը հարուցվել է ՌԴ ՔՕ 30-րդ հոդվածի 3-րդ մասով, 105-րդ հոդվածի 2-րդ մասի «գ» կետով («Մանկահասակ երեխայի սպանության փորձ»):
