The Guardian բրիտանական պարբերականը նոր մանարամասներ է հրապարակել՝ Ադրբեջանի եւ Եվրոպայի խորհրդի խորհրդարանական վեհաժողովի (ԵԽԽՎ) որոշ անդամների հետ կապված կոռուպցիոն սկանդալի հետ։
Պարբերականի երկու զրուցակիցները՝ ադրբեջանցի նախկին դիվանագետ ու այլախոհ Արիֆ Մամադովն ու Շվեդիայից ԵԽԽՎ պատվիրակ Թոբիաս Բիլստրյոմը պատմել են կաշառքների մասին, որոնք Ադրբեջանն առաջարկել է Վեհաժողովի պատվիրակներին։
Մամադովի խոսքով՝ Ադրբեջանի պատվիրակն իր տիրապետության տակ ունեցել է 30 մլն եվրո։ Ըստ Մամադովի՝ «այդ գումարները նախատեսված էին պատվիրակությունների եւ առհասարակ ԵԽԽՎ-ին կաշառելու համար»։
Բիլստրյոմն ասել է, թե վստահության արժանի պատվիրակներից մեկն իրեն ասել է, որ իրեն կաշառք են առաջարկել քվերակության համար։
Հոդվածում նշվում է, որ չնայած Եվրոպայի խորհուրդը անհապաղ հետաքննության կոչ է արել, մարտին կոռուպցիոն գործով հանդիպման ժամանակ պատվիրակներն այդպես էլ որոշում չեն ըդնունել։
Բիլստրյոմն ընդգծում է, որ անիմաստ կլիներ, եթե Եվրոպայի խորհուրդը հրաժարվի կատարել անկախ հետաքննություն սկսելու խնդրանքը այն դեպքում, երբ Վեհաժողովը բախվել է այդքան լուրջ մեղադրանքների հետ՝ կոչ անելով աջակցել իր լեհ գործընկեր Վոյցեխ Սավիցկու հետաքննություն սկսելու առաջարկությանը։