Ապրիլի 10-ին, ժամը 23.40-ի սահմաններում Աշտարակի ԲԿ-ից ոստիկանության Աշտարակի բաժին ահազանգ է ստացվել, որ քաղաքաի վերջնամասում տղամարդու դի կա: Ոստիկանները վագոն տնակում հրազենային վնասվածքներով տղամարդու դի են հայտնաբերել, պարզվել է, որ նա Աշտարակի բնակիչ 52-ամյա Հարություն Մովսիսյանն է:
Դեպքի վայրում 10 պարկուճ է հայտնաբերվել, բոլոր 10 գնդակները դիպել էին Մովսիսյանին:
Ոստիկաններին հաջողվել է պարզել, որ նույն օրը՝ ապրիլի 10-ին ժամը 21-ի սահմաններում, աշտարակցիներ Հարություն Մովսիսյանը եւ նրա ծանոթ 46-ամյա Արա Ն.-ն Աշտարակի ծայրամասում գտնվողն վագոն տնակում վիճել են: Նրան բերման են ենթարկել ոստիկանության բաժին, ով դեռ ալկոհոլի ազդեցության տակ է եղել: Արա Ն.-ն խոստովանել է, որ նաեւ թմրանյութ է օգտագործում:
Ինչ վերաբերում է ծանոթին սպանելուն, նա ասաց. «Նենց չի, որ մտածված արել եմ, պատահական էլի»:
Դեպքի մանրամասները հետեւյալն են. Հարություն Մովսիսյանը հայհոյել էր Արա Ն.-ին անծանոթ մարդկանց, նա էլ, խմիչքի ազդեցության տակ, վերցրել էր ինքնաձիգը, կրակոցներ արձակել Հարությունի ուղղությամբ ու նրա մեքենայով դիմել փախուստի:
Ճանապարհին հարվածել էր երկու մեքենաների ու երբ իր վարած «ՎԱԶ 2107»-ը վերջնականապես շարքից դուրս էր եկել, մեքենան թողել էր ու փախել: Այդ մեքենայից հայտնաբերվել է 2 ինքնաձիգ, որոնք ուղարկվել են փորձաքննության:
