Վարչական առնվազն երկու շրջանի ղեկավարի պաշտոնում կնշանակեմ քաղաքացիների առաջարկած թեկնածուներից։ Այս մասին, այսօր՝ ապրիլի 25-ին, ֆեյսբուքյան իր էջում տեղադրված տեսանյութում նշել է Երեւանի քաղաքապետի թեկնածու Նիկոլ Փաշինյանը, ով եթեր է մտելԿնետրոն վարչական շրջանի աշխատակազմի շենքի մոտից:
Նա դիմելով երեւանցիներին՝ նշեց. «Գաղափարը հետեւյալն է. ես ձեզ ուզում եմ կոչ անել, որ դուք Կենտրոն վարչական շրջանի ձեր թեկնածուներին առաջարկեք այս տեսանյութի տակ: մենք անպայման կքննարկենք նրանց թեկնածությունները: Նման գործողության նպատակն է ցուցարել, որ մենք իսկապես ցանկանում ենք քաղաքում կլանային իշխանությունը փոխարինել ժողովրդավարական իշխանությամբ: Ամեն մի վարչական շրջանի համար կունենանք այսպիսի եթեր:
Ես կարող եմ նաեւ խոստանալ, որ այս գործընթացի ընթացքում առաջադրված լավագույն թեկնածուները, որոնք կհամապատասխանեն որոշակի պրոֆեսիոնալ չափանիշների, անպայման որեւէ աշխատանք կստանան Երեւանի քաղաքապետարանի համակարգում»:
Փաշինյանի խոսքով, Երեւանի քաղաքապետարանի աշխատակազմը մոտ 2 հազար աշխատող ունի, որը շատ ուռճացված թիվ է: Նա ընդգծեց, մի կողմից պետք է օպտիմալացնել աշխատողների թիվը, մյուս կողմից նոր կադրերով հագեցնել. «Մենք չենք պատրաստվում կուսականացնել Երեւան քաղաքը, ինչպես կուսակցականացրել է ՀՀԿ-ն: Մենք պատրաստվում ենք ձեւավորել իսկապես ժողովրդական իշխանություն, որը հաշվետու է ժողովրդի առջեւ»: